Search This Blog

Monday 30 September 2013

I am sure....

I am sure.....each  one  if us  in our daily lives  , is  surrounded  by so  many  people ...so  many  of  them , in this   one  and  only  life . i repeat  the  only  life  ,which is supposed  to  be  the  BLISS  AND  CELEBRATION ....  but  actually  not  so.  that’s  why  I like  ROBERT  BROWNING, “the  world  is  too much  with  us” his  line, yes   sir !  It is really too much.   Family,  friends,  relatives,  colleagues, helpers  and  many  many  more  , sitting  here  and there , interacting  with  us  for  minute  or  may  be more than  that....who  knows,   what  they  are up to.....truly ..... human  mind is  such a complicated  thing u never  know  ,what  would  hit them , what  would  strike  them ,how  would  they  react,   what  emotions  will they  throw on  you, you  have  to  be  ready  for  everything .....

But she  was  not  ready ....my  friend  , we  were  coming  back  from  the  market  on a  rickshaw ,  she  felt  little  uneasy  , felt  a  tiny  insect  in her mouth  and  in order to get  rid  of  that  , she  spat  ,the  moment  she  did it ....I could  easily  comprehend  human  mind , heart , and  all other  organs  at the  same  time   , that  rickshaw  wala  gye  , in his  most  shocking  avatar “padhe  likhe  log  hai....  raaste  bhar  thookte  chalte  hai” sharm  bhi  nahi  aati  “ )  (shameless!  educated  people  , keep  on  spiting  through out  )   after  he  did  the  needful  , started  his  song  again  (chala  jaata  hu  kisi  ki  dhun  mei  dhakte  dil  ke  taraane  liye.....) i was  stunned  and  she  was really   embarrassed.... as  if  the  liquid  acid  was  being  poured  in  our  ears. That  statement  of his...  forced  me to   look  at  him  , an  ordinary  man  in  rags , nothing  else....my  friend   was   in  great  shock  but   i  managed  her somehow   .she  was  continuously  repeating  “ look  Shruti  you  know   me  well  what  kind  of  person,    I am”  yes  of  course ,  I said . but  actually  i  was more  interested  in  knowing   that  rickshaw  wala   at  that  point   of  time  , he  said  something which  was  far  far  more than  what  he exactly said ...  that  they  also  know   things  to a  great  extent.

After  that  day  whenever  I see gobs  , I  get  scare  ,wish  to  tell everybody  don’t  do  it  otherwise  ....something  may  happen.... after  a  short while  we reached  at  our  destination   , we  got  down and  we  said  sorry  to  him  and  he  got  puzzled.........

Saturday 28 September 2013

Istanbul

Meri  balcony   se  Istanbul  dikhta   hai.....dekha   nahi  kabhi,  par  dikhta  hai...mann  ki  ankhei  woh  dekh  hi  leti  hai  jo  dekhna   chahti   hai, deewane  nahi....hue  hum ,  pure  hosh  mein  ye  bayaan baazi  chal  rahi  hai....naam  toh  shuru  se  pasand  hai  iska  , maasoom  thei  jab  se...  magar dheere  dheere  bade  hote  rahe  aur  chaalak  bhi  ,zyada  filme  dekhte  rahe,  zyada  kitabe  bhi  padhte  rahe  ,  gaane  bhi ,  baatei  bhi  bahut zyada  hoti  gayi.....  baatei  ,  Sahar  ka  zikr  zaroori  hai  ab  toh...... shukriya  kehna  hai  unko  , humei  urdu  sikhati  hai  jab  kab  ... acchi   dost  bhi  hai  humari , phir  jane  kab... ....humaare  sath  saath  , humara  Istanbul  bhi  toh..... constantinople   se    pura  pura  Istanbul  ban  gaya..... 
Kisi  waqt  ek  kavita  padhi  thi, usme  do  aawaara  khwaab  thei ,subah  nilkal  padte  thei  ghar  se , dabe  paanv ,  chori  chori  chupke  chupke   KARANCHI,   FIJI,   TURKI   dekhne  jaate  thei   , raat  bhar  ghumgham  kar,  subah  ko  wapsi  hoti  thi  unki  ,khwaab  ja  sakte  hai  phir  hum  kyu  nahi....... woh  do  khwab    aur    jagahe  teen , hum  akele,    jagah  bhi  ek   ...... Turk......
Yu  toh  Istanbul  mashhoor  hai   apni  bemisaal  coffee  ke  liye, turki  chay   ,dilkush  kaaleene,   pashmine  ,  zawahraat,   ilm-e-tameer  (architecture)   nazartaweez,  resham,   kumhaar  ki  dukaano  aur  un  par   kari   gayi  behad  haseen  khushkhati  ....  yaani  behad  khoobsurti  se  likhna  , purani  kimti  cheeze  ( qadeem )   aur  fanoos,  ke  liye bhi....yaha  ka  umda  raks    (belly  dance)   ghumaudaar, ... ghoomte  reh  jaoge   .....ka  mazaa  deta  hai. Turki  gadh  samajh  le  aap  toh  isse.....  tizarat  aur  tehzeeb ,   Mashrik (east) aur  Magrib (west)  ka  beshumaar  meill  .......
Bazanteen  aur ottoman,  sultenut   ki  mili   juli  bhagat  jaisa  lagta  hai  kuch   kuch  ,  ho  bhi  kyu  na,   cheez  hi  aisi  hai , nazar  lag  jaaye  kisi  ki  bhi...bosphorus  ki  woh  tang  jalsandhi,.....   sirf  naam  ki  tang , bade  dil  wali  hai , asaliyat   mein  , Europe  aur  asia  ke  dil  toh  jodti  hi  hai , lage  haath  mila  deti  hai  behrezulmaat  (black)  aur  marmara  samundaro  ki  dhadkane  bhi , humesha  humesha  ke liye  .........  Behrezulmaat  se  yadd   aayi   Allama    Iqbaal  ki   woh  nazm,  jab  ek  bandaa  shikwa  karta  hai  khuda  se  , bayaan   karta  hai  ki  kya  kuch  nahi  kiya  usne  islaam  ko  lane  ke  liye  ,  kehta  hai...  suniye............
Dasht  toh  dasht  hai
Dariya  bhi  na  chode  humnei
Behrezulmaat  mein
Douda  Diye  ghode  apne.
Dasht  yaani  registaan  aur  behrezulmaat  yaani  black sea
     Mohabbat  toh  istanbul  ki  jaagir  hai,  Islaam  ka  saaya   hai  sab  ........,  Islaam,  mohabbat  aur  insaaniyat  ka  mazhab......   yakeenan  hai. ......khair  humei  kya  humei  toh  matlab  hai  apni  balcony  se....
Dikhti  hai  ekdum  saaf , Haaiya  sophiya (Hagiya  sophiya, mosque) bhi  yaha  se .  chote  bade  saare  makaan   mila   de  agar,  aagal  bagal  wali  uchi  imarte  jodkar   phir   ,Haaiya  sophiyaa  hi  toh  ban  jaati hai...waisa  hi  aasmaan , wohi  sukoon  ,wohi  nazara.  Yu  hi  nahi  azzez  hai is  dil  ko  ye,  vajah  hai ...... mazboot  vajah,   woh   imarat   hai   hi  itni   juda   ,  khaas   bahut  khaas   kisi  apne  ki  tarah    ..... alag  thalag  rehna  aata  nahi  jise   , ek  ho  gayi , unsab  se , jo   bhi  iska  hone  aaya,  ek  zamaane  mein  girijaghar  hoti  thi ,  phir  dil  kiya  hoga,  mazjid   ban  gayi  ,kissa  abhi  khatam  kaha  hua  mazhabo   ka  dard   jab  thoda  zyada  ho  gaya  hoga  to  socha  hoga   issne , chalo  ajayabghar  bann   jate  hai , sabka  dil  behlayenge  Kism  kism  ki  cheeze , kism  kism  ki  daastaane  roz  nayi  sunayenge.  
Woh  neeli  mazaar  bhi  kamm  mashhoor   nahi  ,  .. bahut  aalishaan  hai,  neele  rang  ke  pathar  jade  hue  hai  bheetri  deewaaro  par,   upar  aasmaan  neela ,  neeche  mazaar,  neele  par  neela .............. jaise    afeem    par    afeem ....  uss par  panch  waqt  ki  azaan  puri  fiza  pakeeza  kar  deti  hai......  
Misr  bazaar,  badaa   bazaar aur  un  bazaaro  mein  rounak,  ki  gherabandi   , yaha  ki  behatreen  lockum,  lubaan,  itr,  iranikesar,   tarah  betrarh  ke    masale  aur  unki    ishtehaa angez   nikhat ,  tez  patte  , zafraan,   wagareh   wagereh  ,biryaani  ,kabaab   kofte , aur  bhi  bahut  kuch......lekin  ek  baat  hai  roomi  khushbooo  aaj  bhi  hai  yahaa.....Rome  ko  abhi  tak   bhoola  nahi......  Istanbul.....
Saher  , dopaher , sepaher,  se  lekar  aatho  paher  tak  yahi  hone  ka  mann  karta  hai ........  kyuki  humari  balcony  se  Istanbul  dikhta  hai.....dekha  hai  kareeb  se   tasweero  mein  aur  google   par bhi   ......

                                                                                             SHRUTI 
                                                                         



Wednesday 25 September 2013

I WITNESSED UNREAL, UNSEEN.............



“I  AM  PROUD  OF   YOU“    somebody  said,  .......inspiring  words,   LET  US  GO  AHEAD  SHRUTI.................Day  before  yesterday ,  was  not  usual , really..... it  had  some  mystery  in  it  completely  different,  was  that  evening.....unreal  ,unsaid , unimagined,  truly  far  from   anything  known  ......which  is  seen before   ...no..  no. ..no,  it  was  unseen  big  unseen . what  was  it???? Damn   unreal  sunset ? 
Otherwise  also , I  like  spending  my  time  , with  my  balcony  on  tenth  floor,  watching  sunrises  and  sunsets.   Good  friends   we  are  , like   each  other ‘s  company   most   of  the  time , it  was  too   much  that  day , that  sunset  I will never forget,  why  because  ,  NATURE  IS  REAL  , and  often  heard   , cliché , was  not  going  to impress  me  any more . my  own  real  eyes  have  witnessed  the  most  unreal  sunset  of  my life. 
Sky  became  ocean  ,  yes !  it did  ,  beautiful  ocean  in  sky . I saw  that  , it  was  in  light  blue  colour ,   tranquil , calm ,serene   just  like   lord   Buddha’s  pure  eyes  , closed  eyes  ,In depth   .  Skyocean,   sky  plus   ocean  , was  enjoying  its  being ,  solemn, isolated   but  what  happens  then    naughty  ,  curly  ....  waves   of  clouds   they  came  in, wanted  to  be  treated  like  pampered  kid   and  yes   this did also    happen  , skyocean  took    all  clouds  in his  huge  arms  like  loving  father .sky  and  ocean  together....exhilirating,  intoxicating,  beyond  senses , I  felt  almost  drunken... .    smoky   , frothy   ,  foggy    wavy   clouds,     Running  to  and  fro , splashing,  dancing  , swimming  ,jumping   ,with  one another , what    fun  they  had !   not  only  this  I was  about  to  get  heart  attack when  I saw  BRAHMA  VISHNU  MAHESHA  , GOSSIPING , before  I  could   see  them  closely  , they  disappeared  .......where  I  don’t  know?
  Sun  , busy  romancing  the   rays  , beams  and  shafts  of  light .   Sunshine  ... liquefied,   flowing  here  and  there,  meeting  clouds , giving  bribes, asking  them  to vacate  the place.  So  that  she  can  be  the  only  blessed  one  , but   when  things  went  beyond  her  charms  and  spell,  something  happened........  sunshine   now  , stalking  , chasing  clouds  so that  she  may  win   her  kingdom  back  but  clouds  were  no  less, they  disguised  , dropped the  idea  of being   waves and  preferred  to  be  sandy.  Now  sandy  sandy  purpulyii  clouds  everywhere  .  purple  ....ya  you  got  it  right !  brownish purple  was the  colour  . 
Skyocean  , got the  breaking  news  started  peeping  and  poking his nose  into  this matter,  issue  was  big  after  all    CIVIL  WAR   DECLARED   BETWEEN  CLOUDS  AND  SUNSHINE  it  took  long  ..........hurray!   I  said  ,  I was  happy  ,  I  love  clouds  more.....  time   to  declare   results  skyocean  was  no  more  SKYOCEAN   rather....  SKYDESERT.  Clouds  this  time  did  not  appear  in  gangs  or  in  groups , lost  individual  identities  became  one  for  ever  .....  Scattered   and sprinkled   all over.......  Purple  sand  , untouched,   unseen   ,  unreal   , amazing  ,  mind  blowing  , heart  blowing  ,  eyes blowing  everything  in  me,  was   seriously  budged,  don’t  know  where......in  the  mean  time   sunshine  ,  rested   ,  tested  her  strength  and  hid  behind the   sun,    ready  to  attack  again  ,  charged   and  furious, determined  to  show  her   real  being....OH  MY  GOD  ,  she  was  back  ,  she  was  toooooooo  much  this  time,  power  of  colour,  I  witnessed  .......ALL  TURMURICS  ,   MUSTURDS,  MARYGOLDS,  SUNFLOWERS,  DAAFFODILS,  TESUS,  PUT  TOGETHER  , GROUNDED  WELL , AND  MERCURY    ADDED.....  crystal, divine , lighted, spiritual, soul  searing  it  was.  I swear  ......I saw  .sun was  on  the  top  of  the  sky  , got  his  beloved (sunshine)  back,  finally  clouds   succumbed. 
In  that  BATTLE  OF  COLOURS  ,  blue  fighting  with  brown,  brown liking  purple  , purple  against  blue,  blue  loving  green ,  orange  romancing  yellow,  yellow  happy  with  red  ,  red  is  showing  way  to  peach,  peach  is  in  love  with  pink,  so   on  and  so  forth......in  this  war  they  all forgot  , battles  are  made  for  us  only .....Unfortunately    .... NATURE  IS  ALWAYS  SPARED.....victory  was  not  theirs....sun  was  exhausted  and  looked  tired  by  that  time  ,  but  he was   still very  happy  with  the  last  shine   in  his  arms ,  moving  slowly,  slowly  and  melting  himself  with  his  shine  in  skyocean   ,before    night  enters  softly  and  says.....FALL   BACK    , FALL  BACK   ...........

I   will   always  love  this  sunset...... NO  POET   OR  PAINTER  CAN  MAKE   IT ,  THEY  WONT  BE  ABLE  TO  DO  THE   JUSTICE .  IT   WAS   A  MASTERPIECE   DONE   BY   MY   RANGREZZ.......  I  really  got  very  late  for  my  walk  but  I  went  in that   night........

Tuesday 24 September 2013

एक आवाज़ आती है ..

एक आवाज़ आती है
कभी कभी ...
जैसे रात ज़ोर की आंधी आयी हो
मकान सब उजड़ गए हो
कुछ लोग बाकी है बस
इस सुबह तक
दूर बैठे हैं किनारें
आकाश की ज़ानिब देखते
गमगीन है चुपचाप मगर
सन्नाटा है बस ....और
उदासी की आवाज़ आती है

Monday 23 September 2013

Bheed mein akela hu

Bheed  mein akela hu
Apne jaise hai yaha bahut
Ek naap ke , ek maap ke
Eh dharm ke , ek jaat ke
Par mai to thakela hu
Bheed mein akela hu
Dhoop mei  chao mei
Barsaato mein hawaon me
Roz  jalaya jaaya jaata hu,
Bhar  bhar kar nikala jaata hu
Dhoop na sahi toh bhi chalaga
Chao  na sahi toh bhi chalega
Bin  bayar bhi kaam chala lunga
Barsaat  na jheli jayegi
Bol meri jaa tu kab tak aayegi
Ayegi tu ayegi yakeen hai tu aayegi
Sang apne lekar jaayegi
Hum door kahin jayenge 
Chaya mein sustayenge
Phir nikal jhole se apne
Gar tashtari ho toh ,rakh lena
Chutney se mila dena
Adhro pe saja lena
Mai amar ho jaunga
Dobara yaha na aaunga
Kuch aur nahi kuch aur nahi
Mai yaha bhi mai waha bhi,
Lucknow mein , punjaab mein
Amir mein , fakir mein
Kadhahi mein , tawo mein
Dalwo mein dunno mein
Shudh bhi mai, satvik bhi
Apporna bhi ,sampoorna bhi
Jala hu  tapa  hu bhuna hu
Paka hu paka hu paka hu
Tabhi toh khara hu
Ha mai khara hu
Teekha bhi mai , khatta bhi mai
Soundha bhi mai ,kadua bhi mai
Kat kat kar , bhar bhar kar
Jal jal kar tap tap kar
Ab nikhar ke aaya hu
Tedha bhi hu , medha bhi hu
Bingo ka MAD ANGLE nahi  re
BAARISH  KA BOSA HU
MAI  SAMOSA HU
HA  MAI  SAMOSA HU


Sunday 22 September 2013

OSHO....

OSHO.......ENOUGH, YOU ARE EXPLORING MY WORLD DAY BY DAY, SOME URGE SOME LONGING,IS CALLING ME EVERYDAY.THERE IS A VOID ,A VACUUM ..... WHICH NEEDS TO BE UNDERSTOOD. WHEN U TALK OF HAPPINESS ,YOU TALK OF KABIRA, BUDDHA, KRISHNA AND MEERA..HERE I HAVE TRIED MY STRENGTH TO FEEL MEERA IN ME AND GO AHEAD......... 
MEERA  TO  BABY  KRISHNA

Hai   toh   mujhse  chota  tu 
Tujhse   choti ho  jau  mai....
Khatti  meethi  dhani  bhoori
Yaadein  saari  aadhi  puri
Rimjhim  rimjhim gungun  gungunn
Sab  batiyati  jau  re.......
Hai   toh   mujhse  chota  tu 
Tujhse   choti ho  jau  mai....
Tu  mere  nayan  mai  tere  nayaan
Tu  mujhe  dikha  duniya  ye  teri
Neeli   peeli  seeli  seeli
Indredhanush  ke  rang  sabhi
Mai  tujhko  dikhati  jau  re......
Hai   toh   mujhse  chota  tu 
Tujhse   choti ho  jau  mai....
Ladu  bhidu  khoob  tang   karoo
Khatpat  khatpat  ya  shor  karu
Dhoop   mei   tera  pipal  hu
Pyaas  mein  nirjhar , nirjhar  re.....
Hai   toh   mujhse  chota  tu 
Tujhse   choti ho  jau  mai....
Kehte  sunte  baatein  karte
Jeewan  beet  jaye  yu
Jaan  na  paaye  koi  ,re
Tujhme  mai  ki  , mujhme  tu
Gar  jaan  bhi  paaya  koi  ,re
Ki  teri  mai  aur  mera  tu
Toh   phir  kaise  batlaaye  ,ye
Ki  kitni  mai  aur  kitna  tu...

Hai  toh  mujhse  chota  tu 
Tujhse  choti  ho  jaau  mai...
Baat  ho  gayi  ek  sab
Khatm  hua  ye  kissa  ab
Tu  jaane  ki  mai   jaaanu
Sabse  chupaati    jau  re
Resha  resha  katra  katra 
Tinka  tinka   zarra  zarra
Sab  tera  hai  sab  tera  hai
Hai  toh  mujhse  chota  tu 
Tujhse  choti  ho  jaau  mai...
Jogan  jogan  jogan  jogan 
Tere  jog  mein  mai   mit  jau  re
Woh  Milan  hi  kya  jo  Milan  hua
Teri  rooh  mein  mai  mil  jau re
Ghungroo   ghunghroo   ghunghroo  ghungroo
Bas  ghungroo si  bajti   jau  re
Tu  mera  kishan  tu  mera  kishan
Teri  meera mai  ban  jau  re
Hai  toh  mujhse  chota  tu 
Tujhse  choti  ho  jaau  mai...



Friday 20 September 2013

Janamdin

Janamdin  par  khushi  kyu  hoti  hai  ?   ye   khushi  jwalamukhi  ko  dehkaane  wali ?   pandubbiyo  ko   dubaane  wali  ?  toofan,  kohram , khamasaan, sangraam   ........ jaise  kyu  hoti  hai.......... ?GHABRAAYE   NA  , ye  woh   bilkul  nahi   jo  hum    kabhi  bhi  chahte  thei  ki  koi bhi   padhe   .. ...,ye  to  woh  hai  humei   khud  ko    majboor  karke   likhwaya  gaya   tha ,  bebus  bacche  thei  ,bichare.. ....bewkoofi  darr bewkoofi   likhe  ja  rahe  thei  ,aur  woh.... .. Zaalim   ?  humein  pani  par  chadhaye  ja   rahe   thei,  Murkhta  ka  itihaas  sampurna  karakar  hi  chain  ki  saans  li  unhone.....   janmdin  na  hua   jungeazzeem  hui......puraane  khurafati  hai     (jeewan,  purana  villain  ka  title  bhi  diya  tha  kisi  ne unko (rakhsha  bua  ne  )     .  ye    WOH    koi  aur  nai  humare  apne  bade  bhaiya  hai ,   socha  aaj  khud   hi  sareaam  kar  de  apne  sahitya  ko   ,bandhua  majuuri  karte  karte  thuk  gaye  hai  ab ....., humei   to  saaara   yaad  bhi  nahi  par  unhe   puraa  yaaad  hoga  ,  humara  ye  Baburnama ....baat  baaat  pe...  chai  banao ... warna  ,paani  do  warna  ,  kitab  ,  chashma  , ghadi  pata  nahi  kya.... kya   lo ,  do   warna.....sabko  bata  denge   tumne  kya  likha  tha.....soch  lo   .....haaan   soch  liya  bhaiyaa...... karenge  ,zaroor  karenge  bs.  Tum   kisi se  batana  mat  ,  kya   kare   ,  lekhak  banne  ka  bhoot  chadha  tha  un  dino  (jaise  aajkal  phir  chadha  hai) chadhe  bhi  kyu  na   ,  bhaiya  ke  nakshekadam  par chalne  ki  kasam  jo  utha  rakhi  thi  , chori  chori  unki  nazme  bhi  to  padh  ate  thei  yaha  waha  ....., jo   cheese   unhe dil  se paansd , woh   humei   jaan  se  zyada  azeez.....unki  pasand  ke  gaane  unke  sher  ,kitabe   , filme  , unka  nazariya  , unki  soch  ....bina  soche  samjhe   sab  manzoor  humei  .....Shehzaade  saleem  jo   hai  humare  ghar  ke .   Sahi  Galat   ka  khoob  ilm  tha  unhe  ,kuch  bhi  najayaz  gawara  nahi  unhe .. VIKRAMADITYA  KI  TARH   VIRAJ   JAATE  THEI  EKDUM   SINGHASAN   PARR...  ANGAD  KI TARAH  PAIR  JAMAKAR... ...pura  Tivedi  khaandan  vaara  jaata  hai  unpar  6’  fit  uchai  , dil  mein  gehrai , gore , sundar , suljhe  ,  shant  ,sambhrant  soumy  ,jiase  kisi   kamal  ki  trah  , kamal  bhi  aisa  waisa  nahi  sahastra  dal  kamal......100/100  daswi  ki  science  mein,  aur  100/100  bharwi  ki  bio  mein  ye  score  card  tha  unka  ...sach  ....fatak  se  MBBS  mein  dakhila  phir  kya  ...phir  M.D ,   D. M Nuerology  ,filhaal  bhi  kuch  padh  hi  rahe hai , koi  fellow ship  shayad....strokes  vistrokes par.......

Humei  aaj  bhi  yaad  hai ..... ghar  ke  chote  mote  kamm  hum  teeno  bhai  behno mein  bate  gaye  thei , magar  batwara  tha  najayaz,  napak ,nagawar,  unke  hisse  mein  sirf  do  hi  kam  cooler  mein  paani , aur  channel  par  taala , karahte ... bilakhte  kar  hi  lete  thei  ye  do  kam  , teesra  kabhi  nahi...Goa  mein  MBBS ke  douraan  ghar  aane  se  pehle  hi  phone  parr .....”mummy  aane  ka  mann to  hai  ...par  mann nahi  hai  “    “kyuuuuu? “   “woh  cooler  na...” “  nahi  tum  bass  Aaa  jao . ye  dono  karengi  na  sab   “  hum  bhi  to  peeche  se  bol  hi dete  thei  ... khoob  soch  samajh  kar  hi  aanaa  bhaiya  ....warna  mat  aana.
Pata  hai  ? jab  bhi   kuch    pucho  humeshaa galat  salat  hi  bataate  thei....hum  to  kabhi  na  puchte  parr  kya  kare  khud  ko  kuch  aata  jaata  nahi  tha  aur  unhe  tha .. sab  kuch  pata  ......Tareekh,   jugrafiya    angreji , hindi , vigyan,  hisab (upanyaas  ki  trah  padhte  theii gadit  bhi  woh,  ) rasayan ,  bhoutiki  , manav  shstra  dharmshastra , niti shastra  sab  kuch  aata  tha  unhe . yaha  tak  ki  urdu   pharsii  bhi...aaj  bhi  aata  hai  ,  ab  bhi  atakte  hai  jab  kahi  to  unhi  se   puchte  hai....magar  ab  baat  juda  hai  thik  thik  bataane  lage  hai sab ,  darr  gaye  hai  lagta  humare  ubharte  gyan  se....mazak...hai  to  tabeeb(  doctor) peshe  se  parr ek  shayar  ka dil  dhadakta ,   seene  mein... jaante  hai  hum
Magar  jab  jab  zindagi  ke  samundar  mei    bhawar,  lehrein  toofaan   ya tsunami ,aata  hai  na ... to  sahil  ho  jaate  hai.....    bahut  yaad  aate  hai ...  door  chale  gaye  hai  .....hum  sab  se  ......door  desh  Canada  mein  rehte  hai ....  humesha  behtar se  behtareen ,  insaan  banane  ki  koshish  karte hai  humei   housla hai   humara.... parr  aaj  ye  sab  jo  likha   kisi   aur ki  houslaafzaai  se........ saalgirah  hai  aaj   bhaiya   ki  isiliye ..... ... ye  sab............HAPPY  BIRTHDAY  BHAIYA  . 




Wednesday 18 September 2013

Na koi chah hai na koi aas hai

>na koi chah hai na koi aas hai
phir yeh dil kuon udas hai
kuch to raaz hai
kuch to baat hai
jo mai nahi janti, samajh nahi pati
anjaane mein kayas lagati hu
har baar maat khati hu

>
mai khud se khafa, hu meri khud se ladai hai
khud se naraaz hu, khud ko nagawar hu
maine mera hi dil toda hai, kahi ka nahi choda hai
ab mai hi mai ki dushman hu, mujhe khud se ladna
ya to khud ko bujha doongi ya khud hi bujh jaungi
kyon na mai khud ko mana lu, nahi to phir shikast paungi
magar ab ye aur na hoga, mujhe ab mujhe ladna hoga
apni khamio aur lalach ko aur nahi chipaungi
mai khud ko haraungi,phir khud se jeet jaungi
mai khud se mil jaungi, sabhi khwahisho ke upar nikal jaungi
parinda ban jaungi
tabassum ho jaungi
pata nahi mai sab kab kar paungi
kuch pata nahi............


Tuesday 17 September 2013

my first travelouge on sundarbans. west bengal

Ghummakkado   aur   awaron   ki   zindagi   mei  woh  hi   pal   sabse  hassen  hote  hai  jab  kisi  nai taiyari  ka  khurafat  dil  mei  dastak  de  chukka   ho.... sach... Rahul  sanskritaian   bachpan  se pasand  hai  humein  unka  woh  yaadgaar  ATHATI  GHUMMAKAD  JIGYASA    abhi  tak  hai  humare zahen  mei . class 12 mei padha tha.
 yaadon ko kuch  jawaan  kiya jaye ,kuch  itr  taazgi ka  daala  jaaye  berang  si  zindagi  mei  kuch rang bhare  jaaye,  kuch hosh mei aaya jaye kuch  , khayalo   ko  saaz  kiya jaaye.....ye silsila , ye mohabbat  nayi  nahi hai , purana  yaarana  hai  humara  ghumne phirne  se   ...  Aaj  sirf  sundarbans,  jiska naam hi  itna  sundar ho to alfaaz  kaha  se  aayenge ,   kabil alfaaz   , jo uske  mukabil  khade  ho  sake ,  koshish karke dekhte hai .....
7 sitambar  , 2013  school   ke  kam  kaj   niptaane   ke baad  5.35 ki  udaan  bharne  waale  thei  hum  seedhe    culcutte ke liye, sirf  ek attachi  aur ek jhola   ,sangya  saara  aur unke  papa  bhi, hum thei ya nai kehna thoda mushkil hai  ,ghumte   waqt  hum  poore  hote nai ek jagah , tukdo   tukdo mein batt   jaate hai,  jism   jahaj   par   tha , dil uske bhi upar,   khule   aasman mein , rooh    sundarbans mei   aur aankhei    jaane    kaha kaha   , yaha waha   kuch pata nahi....thodi  hi der mein  ,patna pahuch   chuke  thei hum  ,(patna se  bhi  kuch  yaadei judi  hai bachpan ki apni bua ke ghar aaye thei garmiyo  k i  chuttiyo  mein) .........kuch  log   aaye  kuch gaye , jahaj   phir   assman  mein    samay se 10 minut    pehle hi pahuch  chuke  thei  netaji subashchandra  bose   hawai adde   par... samay to jahaj   se bhi   zyada  tej  bhag   raha  tha .aankhon   mei  taxi  ki   khoj  aur  zuba  par  ek  sawaal  kisi anjaane  se  “Bhai sahab    yaha  se  kaalighat  ki  taxi  kidhar  se   milegi  “ kaha se aaye hai aap log ? “ hum   lucknow  se....  sundarbans    ghumne   aaye    hai.” Chaliye  hum  aapko  kalighat  tak  chod  dete hai” unka ye kehna  aur  hum  sab  unki  Honda city   ke  andar ,  janab    sharif  lage ,  lucknow     Se purana   talluk   rakhte  thei   isiliye  meharbaan  thei , General  Manager  Allahabad bank  , ye  taaruff  hai  unka  . Naye   culcutte  se  Purane  culcutte  ka  woh  safar  bhi  ghazab  tha ...pure   shahar  mei   teen battiyon    wale  woh  lamp  post   trinmul  congress  aur  Mamta  bannerji  ke  kareeb   hone ka ehsaas  kara    rahe thei , nayi nayi imarete      naye bridge   sab  ye  bata  rahe  thei  purana  culcutt a abhi  door  hai, magar  humari   dilchaspi   toh  us  purane   1947     wale   culcutte  mei  thi....pure  shahar  main  woh  peeli  peeli      ambassadors    khoon  ki  rago  ki  tarah  doud  rahi  thi,   sawa  ghante  ki  shaan  ki  sawari  ke  baad   humsab   unke saath  unke ghar mein   chai  peete   paye  gaye!   unki patni , unka beta , jaise  kab  se  jaante  ho hum  unsabko   bahut  acche  lage  woh  sab  humei   (aaj   phone   par  baat  bhi ki  unse) , culcutta  kabhi  anjaana  nai  laga  humei.... southern  avenue  se  ab  nayi  taxi  Howrawh  ke  liye.....  jaha  par  book  tha  humara  hotel  !Howrah bridge   .... humare  saamne    VISHALKAY,   PARVATAKAR    , Azeemushan   LOHE   KE   KHAMBHO  KA EK  MAZBOOT  TAANA  BAANA  , pasand    aaya   humei  pehli  hi  nazar  mein , jaane   kitni  bheed   apne andar  samate  hue , shan  se  khada  tha , kisi  diggaj  ki trah  ,Hoogli  ka  shor  bhi  kamm  nahi   tha ,Howrah  se  jaise  jung  chidi  thi  uski , baanwli     keh  rahi ...” hum  na  hote  to  tum  kaha   se  aate?
 .....yaha   par  bhi  akele  nai  thei  hum , humare   purane   mitr  humse   milne   humsab  se  pehle  hi hotel  pahuch  chuke  thei , khali  haath  bhi  nahi  Bengali  rasgullo  ki  saugat  ke  saath,  kuch  toh  baat  hai  yaha  ke  logo  mein!  ...saath mein  dinner  karke  woh  toh  nikal  liye  par  us  sunahari  subah  ki  tamanna  ne  kab  hum  sabko   neend  ke  hawale  kar  diya  .....jaan  nai  paye...
Jiska mujhe tha intezaar woh ghadi aane  wali   thi  ... aisa hi kuch tha dil mein ,phir kya ek aur gaadi hotel ke saamne  , phir se ek baar sab gaadi ke andar, package tour tha humara isliye  intezaam ekdum  chust... pravesh  karte  hi gaadi  mei  humare  tour  guide Parimal ji bade hi professional tarike se hum sab se mile .shuru  to  bangla  mei  hue  thei  magar  hum  sab  ke  chehro  par  sawaliya  nishan  dekh  kar   hindi  par  aa gaye  bichare .... nashta , paani  sab  gaadi  mein...gaadi  chal  rahi  thi,   mousam  bhi  thoda  thanda  tha , raat  mei  halki  baarish jo hui thi ,hum toh pehle hi bheege thei khushi ki baarish se , aur  kya puchna tha ,narm  sard  mitti  , uski soundhi soundhi  khushboo ,  nayi  nayi   fiza , taazi   aabo   hawa   sab  kuch  mere  mann  mutabik chal  raha  tha  . ARRE HAAN!  Naashte  ka  woh  jhola  jo  kuch  hi derr  pehle  ithla  raha  tha ,  chot   khakar   pada  tha  kisi  kinare   ,jeet  mere  bachho  ki  hui thi, hum  khush  kyu  na  hote?sir  bhi to khush thei . raaste  bhar  jaane  kaise  kise  sapne  bhi  chal  rahe  thei ,nazre  bhi  to  un  nazaaro ka besabri  se intezaar  kar  rahi  jo  hum  bahut  jald  dekhne  wale   thei ,bekarari  saaf   jhalak  rahi  thi in  aankhon  se, lagbhag  40  km. Ke  bad  chai  ki  khwahish  gaadi  ko  rukne  par   majboor kiya  ,dusre   shaher   ki  chai  peene  ka apna hi maza  hai  woh  sirf  chai  kaha  hoti  pure  Bengal ke jasbaat  thei  us  ek  pyali chai mein ,sangya ka bhi dil aa gaya tha us chai ke pyale mein  sirf pyale mei ....chai mei nai  kuch aur bhi waha par tha dekhne layak ,woh  chai  banane  wali   lambi  choudi kaaya  khoobsurat   pura  pura  tajmahal... jaise  keechad  mein  kamal   ,humari  ye  halat  thi ,inka kya haal  hoga  ..... khair  baat  aage  badh i aur gaadi  bhi,  chai ka nasha  aur kaano mein  earphone (ye vaada raha ) ke  gaane    , hasrate  badhti  ja  rahi  thi  ...safar , raaste   ke   uch   nich  par karta   aage    badh   raha  tha  jald  hi  hum  GODHAKHALI   pahuchne  waale  thei ( ye  godhakhali  sajnekhali  sudhayanakhali    ye   khali      khadi  ka  Bengali    apbhransh hai   shayad  ) , parimal ji ek kinare   jaise   kisi  Samadhi  mein  chale  gaye   ho hum  sab ne bhi to chod hi diya tha unko unke haal  par , apne apne mein mast thei sab ,thodi thodi dhoop thodi  thodi chaw par karte hum aa gaye thei ab apne   manzil tak . yaha se nouka sawari , lagbhag 30 km. Aur... magar pani ke jahaj  mein  ... sundar bans to jaise shuru ho chukka tha.. humare  saath   do  log  aur  bhi  thei  Orissa  se  aaye  thei
Ek   andaaz  se  chadhe  thei  pani  ke   jahaj  par  hum  sab  ,...jahaj  bhi  ab  chal  chukka  tha, hum jahaj   par  humara  phone   purse  se  bahar  sabko  bata  diya  ki  kitne  khushkismat   hai hum.. sundarbans  mein  jo  hai  hum .    khoooooobsurat    tha   sab  kuch , dilkush  kisi  sapne  ki  trah, pata nai  kaisa  lag  raha  tha , pagal  hone  ka  mann  kar  raha tha ,ji  bhar  ke rone  ka  mann  bhi  kar raha tha , zamane  ka  dastoor  hai  ye  ki  aap  har  woh  kam  nai  kar  sakte  jo  karna  chahte  hai , magar  hum  bhi  chupchap  baithne  walo  mein  se  nai  .tehelte  rahe  pure  jahaj  par , pure samundar  ko  apne  andar  samate  ......aisa  kyu  lag  raha  tha  jiase  kisi  doosri  duniya  mein aa gaye  ho      ,      kuch  door  baad  se  sundari  ka  woh  behad  haseen  jungle  bhi  rubaroo  hone  laga  tha .....aur  Bengal  ki  khadi woh   jo  ek  hisse  mein  saamne  aayi  thi  rang  bhare  jaa  rahi  thi  humare khwabo mein...high  tide  low  tide  ka  woh  phailta  sikudta   pani  ,ckini  mitti  ko  apni  baho  mein  liye  door  talak  sair  karata  tha,  waha  ke  log  acche  se  jaante   hai  har  chaar  paanch  ghante  baad   high  tide  low  tide  ka  apsi  talmel  ..... ,samajh    pana   mushkil  tha ki  tasweere  utari  jaaye, kuch  gaaya  jaaye   ya bas khamosh ho jaaye  isi uthal puthal   se  jujhte   resort  tak bhi pahuch gaye ,SAJNEKHALI....  naam tha us jagah ka.

Shaandaar  resort  tha  ,shanti   ne  apna  pura  kaarobaar  faila  rakha  tha .kisi  ashram  jiase   feeling aa  rahi  thi ,beech  mein  ek  talaab  tha ,kism  kism  ke  phool  baigni  peele  aur   gulabi  bhi  lambe uche  ped   pani  mei  unki  chaya  jab  pad  rahi  thii  toh  jaise  din  mei  raat  ho  gayi  ho ,lakdi ka ek  pul   , do  teen  jhopdiyan  bhi  ,ek  mandir   kuch    pujari    shayad......kuch  aur  chand  log ,bhoonkh  zoro  ki  lagi  thi  isiliye   kuch  zyada  dikh  nai  raha  tha  , dophar  ke  2  baj  chuke  thei  ,restaurant  mein  bhojan  ,khane  ki  har lazzat  apne  Bengali  hone  ka  daava  pesh  rahi  thi. Sadhe  chaar  baje  tak  aaram  aur  phir   wohi sab , wohi  jahaaj  uski  har i hari  kursiya  aur  hum  sab. Hume i jaana  tha  sajnekhali  watch  tower par ,pakki  taiyari  thi humar i ...jaante  thei  kuch  nai dikhega  na  tiger na tiger ka bhoot, tiger dekhne  gaya  bhi  koun  tha , humari  aankhen  toh  kuch  aur hi talaash  kar  rahi  thi... .ye  baat  aur hai  ki  sundarbans  mashhoor  hai  apne royal  Bengal  tiger  aur  khuch  bahut  khaaas  parindo  ke liye ,kuch  thode  dikhe  bhi  the i , magar  jab  dil  khud  hi  parinda  bann  jaaye   toh  baaki  parindo ki  kise  fikar....sangya   ko  bada  maza  aa  raha  tha , ek hi sawaal” mummy  tiger  kab  dikhega”” aur  humara  wohi  ek  jawab  beta  dhyan  se  dekho  dikhega   zaroor”             dikha   bhi  na  ... posters   mein   hoardings   par   aur   humara   guide   sirf   tiger  se  apne encounter   ke   kisse  sunaye  ja raha tha... peshe  se  majboor .  iske  baad  ek  MANROVE   INTERPRETAION  CENTRE  target  tha  . hare rang ki imarat  thi.          sundarbans ke kuch nakshe,   wahaa ka  ithihaas, kuch  nakli  tiger ,shayad  cobra   bhi, backwaters   ka ek  tukda  yaha  par  bhi  tha....   jisme  kisi bade  magarmacchh  ke  hone  ki  andesha    tha , tourists   saare    dewaane  hue  ja rahe  thei  uski  ek  jhalak  pane  ko   koi  nai   dekh   paaya  us  crocodile   ko      sirf   meri   teen   saal   ki   SAARA   ne  dekha    tha. pata nai kya  dekha  ....magar  daava majboot    tha . ......   Ab  thak  gaye  hai  baki kal..........phir  se  shuru  karte  hai  wohi  se  jaha  choda  tha   wapas apne   resort aane ki taiyari  sham bhi kafi  ho  chuki  thi ,  resort  pahuchkar  pata  chala    ,  ki raat  8 baje   Bengali  kalakar  apna    sanskritik karyakam     pesh  karne  wale  hai....   MAHISHASUR   KA   VADH  dikhaya   tha  badhiya  tha  sab  kuch.  raat  ka  khana  khakar , humari  yatra  ka  pehla  din  khatm  hua. ...magar  abhi  ek  pura  din  baki  tha, bahut  hota  hai  ek  din. Neend  kab  aa  gayi  hosh  nahi  kuch  ....
Doosre  din  sirf  ghane  jungle  dekhne  thei , aaj  jana   tha  DOBANKI  watch  tower  , ye  jagah  door  thi  thodi  matlab  zyada  nazare ,  zyada  masti  zyada  nasha...  raasta   sach  mei  haseen tha  sandari   ke  woh   darakht   bemisaal  thei  , asli  khoobsurti  inki  jado  mei  hoti  hai  , dharti  ki  chaati  phaadkar   ye  khuli  hawa mei   bahar   sansei   lene  bina  kisi  ki  ijazat  ke nikal  aayi     hai   bedhadak  hokar ....... ..... choti  badi  jade  ekdum  moti  patli  naso  ka  asmanjas  thi ... ped  upar  jade  zameen    par   ,dharti  asmaan  ka  anokhaa sangam  jaisa  tha, koi  bade  uche  aur  vishal  vriksha  nai thei  woh  magar   , asli  mazaa  tha   itne  saare  ek  saath   ek  naap  ke  pani  ke   agal  bagal  ya  phir  pani  ke  beecho  beech  , dono  hi  roop  rangeen  thei... watch  tower  phir  ek baar  dhokebaaz  sabit  hua  ,chadhai  toh  ki  bs.  Darshan  nahi  hue  ,  toh  kya  koi  baat  nai    ab  tak  to  bachhe  bhi   paristhitiyo  se  samjhota  kar  chuke  thei ,  na  koi  sawaal  na hi  uska   jawab   ...magar  waha   tasweerei  khoob  utari
Jahaj   wapas   ho  raha   tha ,   ye  sach  mein  Ghana  jungle  tha , do  shandaar   hiran  dikhe  thei   jahaj  jaise  hil  gaya  tha  sab  koond  pade  ekdum  ! tiger  dikh  jaata  gar  do  char   toh  allah  ko  hi  pyare  ho  jaate.   jo  hota  hai  acche  ke  liye  hi  hota  hai   yakeen  ho  gaya  tha  is  baat  par. Jahaj  mein  nashte  pani  ka  pura  prabandh  tha  , .....  aaj   sham  ko  pas  ke  kisi  gaanv  mei  ghumne  jaana  tha  magar  dophar  mein  ba arish  ho  gayi  thi   to  baat  ban  nai  payi  ...koi  baat  nai  sham  ka  target  humnei  khud  hi  fix   kar  liya  , khoosurat  suryast  ko  salaam  karne  ka ...pura  pariwar  taktaki  lagaye  nihaar   raha  tha  , aankhon  ke   nashe  se  badhkar  koi  aur  nasha  nahi.woh  narangi  peeli  sunhari  sawnli  chata  jaanlewa  thi.. .. .. raat  mein phir  kuch  khaas  Bengali  geeto  ka  ayojan  kiya  gaya  tha.  ,khoob  maze  kiye  nache  bhi  gaye  bhi  dhol  bhi  bajaya  woh  sab  jo  pehle  kabhi  nahi  kiya  tha       .       apne  andar  moujood  is  pagal   se  humari  bhi  ye  pehli  mulakat  thi  accha  laga  khud  se  milkar ,  khud  se  mohabbat  ho  gayi  thi  humei....aur  us   puri  fiza  se  bhi.. agle  din  subah  4  baje   jagna  tha   wapsi  thi   humari   ,  yatra  ab  apne  khatme  par  thi  , kuch  kuch  ghar  ki  yaad  satane  lagi  thi , raat  bhi  beet  gayii aur  woh  subah  aa gayi  . udaas  nahi  thei  hum  magar  kuch  tha  apna  sa  jo  peeche   chut  raha   tha  .....kuch  to  tha  shayad  koi  kashish,, kiran,  koi  subah , ya  phir  raat , koi  baat , koi  saath ,   ya  phir  kuch  aur  .......khud  ka      housla  badhakar keh  hi  diya  jo  kehna  tha... 
SAIR  KAR DUNIYA  KI GAFIL  ZINDGAANI  PHIR  KAHA 
ZINDGAANI  GAR  RAHI TOH  NOUJAWANI  PHIR  KAHA

Maandu   (M.P) pata nahi kab  naseeb  hoga  ,  WOH   JAHAZ MAHAL 

  WOH RAANI ROOPMATI    WOH  RAJA   ,WOH  JHAROKHE  aur pata nai  kya kya  sirf  suna hai ......